Inn på tunet
På naturens premisser
Natur, dyr og gardsliv som ein arena for læring, meistring og livsglede
Me leverer tilrettelagde og bemanna opplegg på ein godkjend gard – med fagleg følgje heile vegen, ikkje passiv utleige.
Frekhaug i Alver · UNESCO Nordhordland biosfæreområde
Kva me tilbyr
Inn på tunet hjå oss
Inn på tunet er kvalitetssikra velferdstenester på gard. Hjå oss handlar det om å bruke garden – dyra, naturen og det daglege arbeidet – til å gje den einskilde tryggleik, struktur, meistring og fellesskap.
Kvart opplegg er bemanna og fagleg leia, tilpassa den einskilde. Me samarbeider tett med kommunar, fagpersonar og pårørande om målretta opplegg, med jamn oppfølging og evaluering undervegs.
Me tek imot eit avgrensa tal deltakarar om gongen – eit medvite val for å halde kvaliteten oppe.
Øvre Dale Gård har etablert samarbeid med profesjonelle aktørar innan helse- og omsorgssektoren, og har motteke svært positive tilbakemeldingar på kvalitet, oppfølging og gjennomføring av tilboda våre.
For kven
Opplegg innan dei områda det offentlege prioriterer
Me tek imot deltakarar tilvist frå skule, PPT, barnevern, habilitering og NAV.
Oppvekst og opplæring
Alternativ læringsarena for skule og PPT.
Barnevern
Gardsbaserte opplegg i det miljøterapeutiske arbeidet.
Helse og omsorg
Habilitering og tilrettelagde tilbod ved funksjonsnedsetjing.
Arbeidstrening
Praktisk arbeid og eit meiningsfullt arbeidsfellesskap.
Aktivitetar
Kva ein deltakar gjer hjå oss
Aktivitetane kan omfatte stell av dyr, arbeid i stall og på gard, vedlikehald, turar i naturen, hagearbeid, matlaging, praktiske oppgåver og hesteassisterte aktivitetar. Innhaldet vert tilpassa den einskilde deltakaren.
Målsetting
Kva ønskjer vi å oppnå?
Gjennom aktivitetar på garden arbeider vi for å styrkje:
Mål og innhald vert tilpassa den einskilde deltakaren.
Hesten og anlegget
Tilrettelagt for trygg meistring
Garden har fullverdig ridebane, romsleg stall og tilrettelagd rampe for av- og påstigning, slik at også rullestolbrukarar kan ta del.
Hesteassisterte aktivitetar vert leia av oss. Formell ridefysioterapi skjer i samarbeid med fysioterapeut – då stiller me med anlegg, tilvende hestar og kvalifisert handicapleder ved sida av.
Trygt og kvalitetssikra
De tilviser – vi tek oss av tryggleik, fagleg ansvar og gjennomføring
Gro Dale Dalland er fagleg ansvarleg – utdanna agronom og kvalifisert handicapleder (ledsagar ved tilrettelagd riding), med vidareutdanning i hest i psykososialt arbeid (Hest og Helse) og erfaring frå arbeid med menneske og dyr.
Øvre Dale Gård er godkjend Inn på tunet-gard (KSL-standard 11) og Debio-sertifisert økologisk, og ligg i UNESCO Nordhordland biosfæreområde.
Forankra i nasjonal strategi
Inn på tunet er løfta fram i den nye nasjonale strategien for feltet (2026–2036). Og frå 2026 kan kommunar inngå avtale direkte, utan anbodskonkurranse, for kjøp opp til 500 000 kr eks. mva.
Les den nasjonale strategien →Slik kjem de i gang
Tre enkle steg
Ta kontakt
Ein kort e-post eller telefon. Fortel oss kort om behovet.
Vi finn eit opplegg saman
Vi vurderer kva som passar, gjerne med eit besøk på garden.
Oppstart
Vi avtaler omfang og set i gang. Det formelle ordnar vi undervegs.
Ta kontakt
Ta ein uforpliktande samtale med oss
Ta kontakt for ein uforpliktande samtale om korleis eit tilrettelagt opplegg kan utformast. De tilviser – vi tek oss av tryggleik, fagleg ansvar og gjennomføring.
Send e-postArne Dalland · 915 37 425 · post@ovredale.no
