Tilbod og målgrupper

Tilboda våre

Tilpassa opplegg for ulike behov

Me tek imot deltakarar innan dei same områda som det offentlege prioriterer. Innhaldet vert alltid tilpassa den einskilde – her ser du korleis eit opplegg kan sjå ut for kvar målgruppe.

Skule · PPT

Oppvekst og opplæring

For barn og unge som har nytte av ein alternativ læringsarena – meir praktisk, meir meistring, mindre press. Garden gir struktur, konkrete oppgåver og rom for å lukkast på andre måtar enn i klasserommet. Me arbeider i tett dialog med skule og PPT.

Mål: motivasjon, meistring, struktur og sosial fungering.

Barnevernstenesta · institusjon

Barnevern

For barn og unge i barnevernet – både i institusjon og dei som bur heime. Gardsbaserte opplegg kan inngå i det miljøterapeutiske arbeidet, med trygge og føreseielege rammer, dyr og natur. Den nye nasjonale strategien løftar dette fram som eit eigna tilbod.

Mål: tryggleik, tilknyting, struktur, ansvarskjensle og meistring.

Habilitering · funksjonsnedsetjing

Helse og omsorg

For menneske med funksjonsnedsetjing eller behov for habilitering. Me tilbyr tilrettelagde opplegg med dyrekontakt og hesteassisterte aktivitetar, og har ridebane og rampe som gjer at også rullestolbrukarar kan ta del. Formell ridefysioterapi skjer i samarbeid med fysioterapeut.

Mål: meistring, fysisk aktivitet, sosial deltaking og livsglede.

NAV · arbeidstrening

Arbeidstrening

For unge og vaksne som treng praktisk arbeidstrening og eit meiningsfullt arbeidsfellesskap. Deltakaren tek del i reelle arbeidsoppgåver gjennom årstidene på garden, med fast struktur og tydeleg ansvar. Dette er eit arbeidsfellesskap, ikkje behandling.

Mål: arbeidsevne, struktur, meistring og tilhøyrsle.

Ta kontakt

Usikker på kva som passar?

Ta kontakt for ein uforpliktande samtale om korleis eit tilrettelagt opplegg kan utformast. De tilviser – vi tek oss av tryggleik, fagleg ansvar og gjennomføring.

Arne Dalland · 915 37 425 · post@ovredale.no